唔知係生活習慣改變左, 定係換毛既影嚮, 定係貓糧既改變, 忌廉d毛色係不段變緊, 初初返黎明明係白白地, 但依家d灰毛越黎越明顯, 換言之即係d毛玟越來越明顯, 但相對灰毛多左, 硬係覺得忌廉塊面越黎越似污糟貓添 >_<, 不過d紋深左, 望落就更加似d英短貓既.....
住係呢度都差唔多三年, 每朝搭lift 都好擔心, 因為成日都出問題既, 唔係飛層唔停, 就係lift到但唔開門, 再唔係落落下會卡住係27樓同28樓之間突然想開門, 總之係老爺lift危危乎, 今日終於出事, 搭到17樓突然停左lift 再向下墮一下, 嘩~~~果刻我真係心都離埋, 對腳唔係几敢郁, 怕一郁會成架lift 直插而下, 咁大個女都係第一次被困lift, 真係覺得呢度唔係長住既地方.
終於半個鐘後, 我要係個窿度由18樓爬上去, 問個技工, 佢居然話頭先都發生左一單同樣問題, 唔係下化 ??? 發生左第一單都照開返lift, 等我成為第二個受害者? 咁唔安全既lift 好心就test 正常左先再開返比人用喇 !
